28 January, 2018

Dear Hon. Secretary,

BUKAS NA PAHAYAG HINGGIL SA MGA KAHILINGAN, PANAWAGAN, PAGTUTOL AT AGAM-AGAM LIKHA NG MGA KAGANAPAN SA INANG BAYAN.

“Labis naming ikinagagalak at pinasasalamatan ang inyong pagdalaw sa aming pamayanan migrante dito sa Milan at Italya upang maging daan para maiparating sa iyong kaalaman ang mga nabanggit gaya ng nasa itaas.”

1.) HINGGIL SA KALAGAYAN NG KAPATID NA MIGRANTE, MARY JANE VELOSO.

Hindi na lingid sa inyong kaalaman ang malupit at kawawang kalagayan ni M.J. Veloso na ilang taon na rin nakapiit sa selda sa ibayong dagat sa bansa ng Indonesia sa kasong kinasasangkutan ng “drugs traficking” sang-ayon sa awtoridad ng naturang bansa. Subalit, sa paniniwala ng marami kasama kami migrante, ang naturang akusasyon ay hindi pa rin pumapabor sa ilalim ng “standard legal proceedings” hangga’t ang kanyang karapatang umapela sa Korte ay nananatiling ipinagkakait. Dahil dito, hinihiling namin sa inyong Tanggapan at Kagawaran kasama ang panawagan ng sambayanan na mabigyan ng tamang proseso at hustisya ang malupit na kapalaran ni M.J. Veloso gaya ng positibong posisyon ng Office of the Solicitor General (OSG) na nakikiisa sa panawagan ng sambayanan;

2.) HINGGIL SA USAPIN ILEGAL NA PANANAKOP NG BANSA TSINA SA SCARBOROGH SHOAL AT BENHAM RISE.

Isa sa mga binitiwang pangako ng Pangulo DU30 during his electoral campaigns ay ipaglaban ang sovereign rights at territorial integrity ng bansa at aniya “kung kinakailangan, pupunta ako roon at itatayo ko ang bandila ng Pilipinas, gagawin ko” Subalit, ’tila yata nagkamali ng bandila ang itinayo ng ating Pangulo DU30, sa halip na bandilang Pilipino, ang bandila ng Tsina ang kanyang itinayo.

Ang naturang Shoal at Benham Rise, batay sa United Nation Convention of the Law of the Sea (UNCLS) ay legal at teritoryal na pag-aari ng Pilipinas at ito rin ang kumpirmasyon ng The Hague Tribunal decision noong July 2016. It is an exclusive maritime economic zone of the country and therefore it should be protected not only a question of sovereign rights and territorial integrity but a patrimony of the nation. Secretary, hiling namin sa inyo bilang nangunguna ang inyong Tanggapan at Kagawaran sa relasyong panlabas, na ipaglaban ang ating pambansang soberenya at dignidad panteritoryo. Kung hindi pa tayo tututol, baka wala na kaming dadatnan pa na Inang Bayan during our retirement and final homecoming for good sa dahilang nasakop na ng bansang Tsina ang buong Pilipinas.

3.) MAXIMUM PROTECTION, SERVICES AND WELFARE ACCORDING TO RA 8042 BETTER KNOWN AS MIGRANTS ACT OF 1995.

Hiling namin sa inyo ang makatotohanan at seryosong implementasyon ng naturang proteksyon, serbisyo at paglingap mula sa inyong Tanggapan, Kagawaran at mga kaakibat na ahensya ng gubyerno gaya ng OWWA, POEA, DOLE atbp. may kagyat na ugnay at kinalaman sa kalagayan ng migrante at kanila pamilya. Kahit kailan at kahit saang lugar, nananatiling bulnerable ang migrante hindi lang sa usaping relasyon sa trabaho, kultura at maging sa immigration policies sa bawat host country. Huwag na nating banggitin pa ang bulnerabileng sitwasyon sa pagitan ng mga pamilya naiwan sa Pilipinas, lalo na.

4.) MGA USAPIN HINGGIL SA TRAIN LAW, CHA-CHA, TOKHANG, EJKs, HUMAN RIGHTS VILATIONS, CON-ASS, PEDERALISMO, MARTIAL LAW WITH PLANNED EXTENSION AND REV-GOV.

Ang pag-iral at pagtataas ng presyo ng mga bilihin lalo na iyong sa parte ng basic commodities, pagtaas ng mga taxes ay malupit na nakapataw sa araw-araw na buhay ng mamamayan lalo na sa hanay ng maralita at di rin nakaligtas ang mga pamilya ng migrante habang sa kabilang banda, walang nagaganap na pagtaas ng sahod ng manggagawa, pesante, mga kawani ng gubyerno lalo na ang ating mga guro o dili kaya’y garansiya batas mula sa lehislatura o gubyerno, at kung mayroon ma’y ito’y para lamang sa AFP at PNP. This one leaves and provokes a big question… Bakit nga kaya?

Ang “Tokhang”, EJKs at Human Rights Violations, kailanma’y di umiiral sa isang sibilisadong lipunan bagkus ito’y pangkaraniwang nagaganap sa ating bansa at lipunan at kalimitan ang nabibiktima ay pawang mga “street-level” suspects maliban pa mismo mula sa pamilya ng OFW o migrante at nakakalungkot isipin na batay sa stats, umaabot na sa 17 libo ang bilang ng bikitma sa paraang EJKs (killings/salvaging w/o judicial process maliban sa utos mismo ng Pangulo DU30). Dagdag pa, ang mga biktima ng EJKs sa hanay ng mga progresibo organisasyon gaya ng pesante, manggagawa, aktibista, human rights activist at mga lider katutubo..Kung susumain, ang lahat ng biktima ng EJKs ay mga grabe at matitinding paglabag sa karapatan pantao.

Hinggil sa napipintong CHA-CHA, CON-ASS, REV-GOV, PEDERALISMO at Martial Law extension, ang aming interpretasyon ay malinaw na indikasyon may tunguhin diktadurya masahol pa sa panahon ng diktadurya Marcos; at sa huli,

5.) ANG PANAWAGAN “RESUMPTION OF PEACE TALKS”.

Through your good and respective Department, we the OFWs on global level call on both panels, the GRP and the NDFP to go back at the negotiating table and start anew and without delays the resumption of peace talks that is on stalled status after the successful 5th round of talks. Both panels must sincerely respect and adhere to agreements forged and signed bilaterally starting from The Hague Joint Declaration of 1992 and onward declarations and agreements. We have only one common goal and mission with such peace talks. “To find a solution to address the root causes of the decades armed conflict in the country”.

Thank you for your kind attention with hope of fruitful visits with us in Milan and Italy.

For reference: Nicolas “ka Mike” B. Montemayor, President
Milan-OFW Kapit Bisig(KB), Migrante Europe
Migrante Italy & Chapters
Milan, Bologna, Firenze, Mantova, Rome